Mental Help: 情緒

“把希望全都放在別人身上，是最容易讓自己失望的一件事。“

如果個醫生同你講濕疹係冇得根治，咁其實個醫生只係冇醫好過一個有濕疹嘅人，而唔係你真係無機會好返。所以你失望的地方只是佢真係未必有能力令你好返，因為真係無案例去證明他所用的方法是正確。你要清楚個病存在你身上，就係要靠你自己先可以好返，依個事實係唔會改變的！

不要絕望，因為其實有好多人都本來有唔同程度的濕疹，但係後來都會好返或變得可控制，靠自己生活習慣的轉變，和用一些有助康復的方法。只係你仍需要用更多嘅時間去了解自己的身體發炎原因，用更多嘅心機去尋找不同嘅可能性去令自己好返。

濕疹這個病都可以算是一個受情緒困擾的病，情緒和壓力都無法分離與這病的變化。我唔會話俾你聽你個人只要開心就會冇濕疹，但係好肯定你嘅負面情緒絕對會對濕疹有影響。

好難叫一個色盲嘅人去睇到世界唔同嘅顏色；亦都好難叫一個負面嘅人去用正面嘅心態去面對生活。但係隨着科技嘅進步，色盲嘅人都有機會可以重新睇到世界色彩繽紛的顏色；有更好的環境和更多的資源去認識濕疹時，負面看待濕疹的人都絕對可以用正面樂觀的心去觀賞自己；一步一腳印，有濕疹嘅人都一定可以好返！

唯有你自己都唔相信可以好返，先係阻礙着你自己向着康復的最大障礙。

每天你都有機會去重新選擇，你可以選擇持續地運動，你可以選擇有效地控制飲食，你可以選擇早睡早起。令自己的免疫力有所提升，而不是依靠藥物去抑制皮膚上的表徵。

保持心境開朗，心懷感恩的心，讓你走的路更輕鬆更愉快。我是過來人，絕對明白你們受困的位置和受苦的地方。唯有自己才能拯救你自己。

負面對話的調整，當你發覺自己太多內在不好的對話嘅時候，就去做一啲唔洗用腦諗嘅野，俾自己去放低情緒。用行動和結果去減低自己受情傷困擾的問題，因為情緒低落時總會有無數籍口去唔做野。如果你唔滿意當下的環境和身體狀況，就去作出改變的第一步吧！

錄音中提及到Yes…….and?????

我係有濕疹呀……..咁之後呢?????

係呀！個現實已經發展到咁，咁點樣先可以有更好的身體呢？????

都真係值得我們的反思。

“我都可以好返，點解你地會好唔返呢？“