Kitty媽:我對濕疹成因嘅睇法
「我唔會容許醫生嘅診斷限制左我BB嘅康復。」
我係堅持唔用類固醇醫治兩個小朋友嘅濕疹，咁當中最大嘅原因就是我唔認為濕疹係皮膚病。我認為濕疹係因為免疫系統失調而身體發表在皮膚上的症狀，所以要醫好濕疹係要慢慢調理好失調的免疫系統，而唔係靠藥物去抑制個症狀。
大家可能會問，點解個免疫系統無啦啦會失調呢？我本人就唔係任何註冊醫師，只是憑經驗同醫治小朋友期間嘅大量資料搜集得出結論簡化一下。免疫失調嘅患者大多有「腸漏症」導致身體有發炎嘅症狀。腸漏症亦可稱為腸道通透性，即係腸道黏膜因為壞菌過度增生而出現缺口。當腸道有缺口的時候，患者吃進身體嘅食物或是毒素有部份會從呢啲缺口漏入身體嘅血液裏。咁血液中嘅白血球就會對呢啲外來物作出反應，引致濕疹、哮喘同類風濕關節炎等嘅發炎症狀。
大家都可以自行上網搜尋更多關於腸漏症的資料。
「濕疹是個課題讓你學習照顧自已。」
咁我係點樣去調理個失調的免疫系統呢？我大概是從三大方向著手，就是飲食習慣、環境、心理健康。
~ 濕•疹•同•路•人🧍🏼♂️~ 