死海鹽對濕疹有幫助嗎？
「健康生活糾正健康身體。」
近年開始多左聽人講死海鹽對濕疹皮膚有幫助，利申先，我從來冇用過真正的死海鹽，但都想分享一下之前喺小朋友身上用Celtic sea salt 嘅經驗，希望幫到受到濕疹困擾嘅朋友。
唔用藥物去醫濕疹少不免要過啲好難捱嘅日子，當佢地有好深嘅傷口兼感覺開始發炎時，我就用一種叫Celtic sea salt 嘅食用海鹽整個濃鹽水俾佢印傷口。我知道應該會好痛好痛嘅，但我好幸運地兩個囡都好捱得冇叫痛。喺皮膚傷口上印濃鹽水嘅好處係大大減低皮膚發炎風險，對我來說即係減低因為皮膚發炎要服用消炎藥的風險。
要知道消炎藥(抗生素)除了幫你殺死身體嘅病菌，但同時亦會殺死腸道嘅好菌令到本身已經失衡嘅腸道生態問題加深，令到濕疹呢個免疫系統失調問題更難根治！
圖1&2同是家姐，小時候情況咁惡劣但都能夠斷尾，大家加油啊！
「過程係辛苦，就算喊都唔緊要，喊完再企返起身仲精神爽利架。」
所以，時間投資在從根本去調理好身體是最值得的，尤其是小孩子。從小給他們養成良好飲食作息和運動習慣，日子有功，家長們必定會發現，孩子不但濕疹問題得到顯著改善，連同免疫力都增強不少。以我兩個女兒為例，她們的極端濕疹斷尾後，就差不多到了上學的年齡。但她們都幾乎不會感冒的，首一年上學，她們都沒有請過病假，因為精神很好，所以學習能力都很高。
我明白，未必每一個媽媽都對煮食有興趣，但你要相信只要你有決心去調理好孩子的身體，你就會有辦法辦得到。我相信每一個人只要他們有強大的決心，這個信念和力量就會吸引到幫助他們達成目標的人，加油喔！
~ 濕•疹•同•路•人🧍🏼♂️~ 