Mental Help: 康復
「成為更好的自己便足夠了。」
社交和與人相處的確是一件重要的事，因為有時當有濕疹的人都會因自己的病況而自我封閉。封閉的原因是因為不想接觸外來的影響，的確依個病係好多位都要第一個去面對，但係有時身邊人嘅支持都係相當重要。
有時可能一份關懷和鼓勵都是繼續走下去的動力，始終一個人嘅力量有限，路上總會出現陪伴你的人。但有時候因為過於習慣自己一個去面對所有的事，甚至覺得講完都無助於自己面對的問題，變久而久之便不想將自己的事去和人傾訴。
我曾經自己都經歷過這段時間，覺得沒有人明白自己所面對的痛苦，將自己收埋，變得唔願意說話。但你要知道你是被值得被愛和你是重要的，只是當你習慣於拒諸人門外，令身邊的人都不知道如何關心你才是對你有幫助。而你不願意打開心扉的時候，就算別人如何用力地去幫助你我支持你，你都無法感受。
對於自己而言，有一段時間都覺得與人相處係非常消耗自己的能量，當你用這個觀點去看待與人社交時，的確會變得越來越孤獨。但我希望你們知道過程是會過去的，痛苦同樣亦是，只要你一路調整自己的心態，和享受和人相處的時光，社交是確實可以給予你一份動力和支持。所以我都會提醒有濕疹的人，不要因為自己的病況而將關心你的人推開。因為你們每一個都是重要的，只是濕疹這個病消耗了你的精神和力量去和人相處。
「不要因為自己的病況而將關心你的人推開。」
康復Recover的過程並不容易，的確需要時間一步一步令自己好起來。但你們要知道時間是一切的療藥，每一點滴都可以令身體和心理都好起來，有時心態越急越想快點好返都無助於病況的康復。
我自己個人認為自己有濕疹的過程是一個機會去讓我調整自己的心態和看待事物的角度。一念之差天堂與地獄，真的會因為你的一個想法和不同的態度去面對同樣的事是有不一樣的結果。我有段時間真係覺得成個世界冇嘢值得自己開心，做每一件事都好似無意義般。但係之後我知道依種心態的確無助於我康復的道路上，需要學懂如何和自己相處。
因為有啲時候真係會因為個病而消沉下去，好容易跌入一個陷阱就係覺得自己就係最慘嗰個，自己冇能力去改變。但有時問心，如果你自己都幫唔到自己嘅話，咁又有邊個可以幫到你呢？始終個決定權都係喺你手上，點樣去做點樣去調整點樣去行動都係睇自己。
錄音當中都有同大家分享一啲方法去幫助自己去行濕疹依條路。或者某啲時候真係適宜放下情感，不受情緒的左右，繼續做自己覺得啱嘅事。一路堅持去做對的事是絕對會睇到個好的結果出現。
嘗試用行為去支配情感，用自己的執行力去證明比自己睇係有能力去改變。我自己有一段時間真係會好受情緒影響，係咩都唔想做咩都唔想理，因為在嗰個階段真係全新的身體皮膚都係處於一個最差嘅狀態。心情差嘅時候的確會失去生活的動力和熱誠，但係唯有繼續去做去行動先係唯一你可以行返出嚟的一個方法。
我深深知道過程係唔容易㗎，我都係過來人。真係會有時好矛盾，想去做但係又唔想去做。但我想講留喺自己嘅舒適圈咩都唔做唔改變真係對自己的病況係沒有幫助，你唔做新嘅嘗試，你唔改變自己嘅生活習慣，咁試問又點會有新嘅結果去出現係你面前呢？
有時我自己都覺得，好似講嚟講去都係講嗰啲嘢。但我講嘅都係真係我覺得喺自己行濕疹呢條路，對自己幫助最大嘅得著先同大家分享。你睇完明咗係冇用㗎，係要真係做去改變先會知道件事係啱定唔啱。所以好好去做去為自己身體作出改變啦各位。
~ 濕•疹•同•路•人🧍🏼♂️~ 